胡鴻鈞自認理智 陳嘉慧收埋情感靠演戲發洩

2021年05月20日 00:01
東網電視
更多新聞短片
藝人胡鴻鈞(Hubert)、陳嘉慧、羅蘭於西環為新劇《愛上我的衰神》拍攝,劇情講述他上演一場親人離去的傷心戲份,飾演其嫲嫲的羅蘭離世,他為對方於房間執拾時,一時睹物思人,傷心落淚,而陳嘉慧看到他如此時亦不禁難過眼濕濕。
他指自己不是一個大情大性,情緒容易波動的人,比較理智,不過上一套劇《十月初五的月光》都有很多喊戲,《愛》劇亦一樣,完全情感大爆發。說到女友蔡思貝於日前一集《好聲好戲》中配音配到喊,他坦言有收看,讚全部參賽者表現都好好,說到思貝把聲似足郭藹明時,他即笑謂:「你問佢啦!做乜問我啫!(佢把聲你最清楚嘛!)咁佢真係好用心去觸摸嘅!(你敢挑戰嗎?)我自問唔係一個配音叻嘅人,我都係唱歌同做戲得喇!」而他見到羅蘭姐時,亦相當有禮,即叫嫲嫲,羅蘭姐亦相當親切的問他:「點呀!夠唔夠瞓呀?」二人十足「真嫲孫」一樣。
至於首次與羅蘭姐合作的陳嘉慧坦言雖然對方已87歲,但日前見她拍一場鬧Hubert的戲份時,「戲」場及「氣」場都相當有勁,自爆有主動請教前輩演戲心得。說到演喊戲,陳嘉慧指平時自己是一個不容易流淚的人,會將情感收埋,演戲正好讓她發洩一下,她謂:「我連發脾氣都好少,冇乜嘢會觸動我底線,除咗傷害到我屋企人。」她又透露前日拍了一場激動喊戲,這場戲更是她投入角色最深的一次,她坦言:「真係好崩潰,自己好投入,喊完感覺到全身麻痹同冇力,導演Cut咗機我都停唔到。(感覺點樣?)好好玩,感覺好好。」