鐵粉永遠撐開騷　張立基自嘲「中佬」勁感動

歌手張立基入行多年擁有一班鐵粉，早前他在社交網貼出粉絲的留言，令他開心到「唔想講粗口都唔得」，該位粉絲直言只要張立基開演唱會，不論在哪個場地，都一定會去睇，粉絲說：「2021年嘅今日，我仍然聽緊《你好嗎？》，時代會變，歌手、樂迷會老，但好歌，30年後、60年後、100年後都依然會有知音人欣賞同喜愛！加油！」張立基坦言好感動，他說：「對我呢個中佬嚟講，有呢啲鼓勵嘅說話，已經死而無憾，不枉努力咗40幾年。」開心到瞓唔着覺添！