北京電影學院影畢業相　王俊凱揮低眾星穩佔靚位

今日係一年一度「520」示愛日，咁啱人才輩出嘅北京電影學院都揀今日為應屆畢業生影畢業相，當中就有內地組合TFBOYS成員王俊凱、女星關曉彤、電影《少年的你》女配角周也、周迅「姪女」張婧儀、郭子凡等新一代藝人出席，面對影相靚位之爭，今次就由人氣最高嘅王俊凱穩佔，其他藝人都要靠邊企。

唔止咁，電影學院出名多靚女，王俊凱轉影班相時就被發現身邊全部都係女神級嘅靚女，不過粉絲就讚佢目不轉睛冇受「引誘」，專心影畢業相。