胡鴻鈞感恩有得拍劇:鍾意接受唔同挑戰!

2021年05月20日 18:04
東網電視
更多新聞短片
歌手胡鴻鈞(Hubert)日前為劇集《逆天奇案》主題曲《逆襲》拍攝MV,向來愛錫歌迷的他今次是特別應大家要求找數:「知道呢首歌嘅反應唔錯,推出嘅時候更曾登上付費下載榜嘅冠軍,好開心大家鍾意,但自己忙緊拍新劇,短期內只可偷到少少時間,所以就好快拍咗呢個錄音室版本MV,希望滿足到大家。」他又謂拍完劇後會開始專心做新歌:「好榮幸得到監製導演們嘅寵愛,可以劇接劇,而且2部劇都拍得好愉快,好感恩,亦都發現自己原來可以做得到,好鍾意接受唔同挑戰,喺唔同嘅工作環境下亦都令自己有更多嘅新構想,希望嚟緊可以帶到更多新創作畀大家。」