馬德鐘自揭「整容」真相 原來關老婆事!

20210520
東網電視
更多新聞短片
藝人馬德鐘太太張筱蘭今日(20日)舉行新書發布會,新作以健康長壽為題,並有老公馬德鐘、女星朱慧敏、周家怡及敖嘉年到場助陣,並分享茹素心得,而視后胡定欣、陳山聰及陳庭欣等也有現身支持。分享會甫開始時,張筱蘭感觸表示今日是其母離世100日,編寫著作這幾年期間,目睹身邊親人相繼患病,奶奶於2019年1月發現大動脈撕裂,大約2、3日後過身,同年年尾媽媽被診斷有肺腺癌。面對至親抱恙,張筱蘭自言一直都勇敢面對,不過寫書時曾一度心理作用,懷疑連自己都有病。
馬德鐘為撐愛妻,在現場騷出一張數年前的訪問相,當年他身形脹爆,更指當時又有脂肪肝,跟現時判若兩人,他笑言:「呢個就係坊間話我『整容』嘅真相囉!」續謂那時擔心在娛樂圈「冇得撈」,加上家族有「三高」,故他努力Keep弗兼開始食素。不過,他被老婆大爆早年有酗酒習慣,他聞言即澄清只是飲得多,於受訪時他再「自辯」:「佢言重啦,哈哈!之前多朋友飯局,又因為開餐廳要飲酒招呼人。但自從爸爸中風後,見佢啲手腳慢慢都唔係好郁到,我唔想好似爸爸咁,就開始改變飲食習慣,冇飲之後好大轉變,精神好咗,個仔近年都開始食素。」而張筱蘭亦有因失言向老公道歉:「對唔住,係我講錯!我理解錯誤。」
對於推出新書的心情,張筱蘭表示是平常心,又多謝老公一直以來的支持,並笑說:「完成到都係因為佢好忙,咁我先專心寫到。」反而馬德鐘感到好興奮及感動,他說:「無數個晚上見佢廢寢忘餐,睇好多文章、數據。(你買咗幾多本支持?)啲書我畀錢印㗎!」講到好友胡定欣話聽完分享會後心郁想茹素,兩公婆非常好客的說要請她到府上食飯,問到會否介紹男仔給定欣認識?馬德鐘笑言沒有問題!