發文「我要夏天」公開認愛？李現終於有嘢講...

內地小生李現前年因與楊紫合演內地劇《親愛的．熱愛的》而爆紅，不過佢感情生活卻未有着落，但佢喺尋日「520」（諧音我愛你）嘅日子，突然喺社交網發文「我要夏天」，惹來唔少網民以為佢公開認愛，皆因同佢曾合作劇集《河神》嘅內地女星王紫璇，別名叫「夏天」，猜測李現趁呢個日子公開女友身份，呢件事仲上埋熱搜榜，好多人都留言送上祝福。

不過李現隨後再出Post否認此事，更呼籲粉絲：「不要打擾其他人，給別人造成困擾！」王紫璇亦有畀番Like李現添。有網民推測李現今次係試水溫，想睇吓粉絲反應，到底係點，真係只有當事人先知。