收養17隻狗　安采妮轉型做犬隻訓練員？

藝人安采妮去年和前經理人反目後減少幕前演出，原來她近半年積極自我增值進修犬隻訓練員課程。日前她上堂學習訓練大狼狗的馴服性，只要她發出指令，在毋須用狗繩牽引下，大狼狗仍乖乖的跟在她身邊前行，且狗隻不會亂跑、亂吠，變成乖巧Good Boy。

問采妮是否準備轉型為犬隻訓練員？她說：「都算系，不過我讀呢個課程，主要係想方便做義工，因為好多人以隻狗好曳為藉口而棄養，如果我教曉佢哋點訓練啲狗，希望少啲狗會被遺棄啦，其實近年好多人因為移民而唔要啲狗，我依家已收養17隻狗，5隻貓同2隻雀，屋企變咗寵物收容所咁啦。」

她又說曾在課堂中被狗隻咬傷，不過就怪自己「唔醒目」：「我初初上堂時，因為對隻狗太熱情，冇留意到眼神、肢體動作同反應，有次都畀隻大狗咬。」問她是否退出娛樂圈？她謂早前曾有電影公司搵她拍戲，亦為開電視拍攝靈探節目，對幕前工作不抗拒：「其實只有適合嘅幕前工作都會考慮。」