ERROR節目AV情節挑戰尺度 邊個被死亡行星打到內出血?

2021年05月21日 19:43
東網電視
更多新聞短片
由組合ERROR主持嘅ViuTV節目《ERROR自肥企画》,今晚(21日)播出最終回,對於節目成功引來唔少話題,一眾幕後團隊,可謂功不可沒,ERROR成員肥仔同旁白文卓森,喺尋晚(20日)節目完結後,網上開Live直擊自肥團隊嘅工作重地,講吓呢次成個節目有咩趣事,同解答網民嘅問題。
網民最有興趣問嘅,就係幾乎每集都會出現嘅懲罰招數「死亡行星」,但係一講到「死亡行星」肥仔同一班幕後團隊即刻好認真,肥仔自爆曾被「死亡行星」打瘀,而成功喺憑節目由幕後走到幕前嘅Agent L(曹梓沖),就話試過做測試嗰陣,因「格仔導演」劉諾衡(Mike)忘記嗌倒數便「一嘢轟落去」,令佢內出血,仲坦言「屙足2日黑屎」,真係慘到爆呀!
AV嘅終極篇
其實喺《花姐ERROR》嘅第一輯上,Mike已經安排一集介紹日本嘅AV文化,而喺尋晚(20日)《ERROR自肥企画》播出的一集,可以講係一個AV嘅終極篇,呢次搵嚟Model蘇小小(Zoe)擔任「含蓄版」愛情動作片嘅女主角。飾演女特務嘅Zoe,最初以白色緊身恤衫扮OL,之後換上黑色嘅緊身特務衫,進入甜品工場搜集犯罪證據,由於佢嘅造型極似AV情節,一睇已令人充滿遐想。後來Zoe同肥仔潛入工場嘅任務失敗,193和何啟華分別對Zoe施以「酷」刑,何啟華用槍指着佢,再強迫佢跪低食西餅,搞到佢滿口白色忌廉!不過咁都未算激,原來肥仔先係Big Boss,佢扑暈咗Zoe後,再用手銬扣着對方,兼用手拉低Zoe件衫條拉鏈,令Zoe嘅D Cup火辣身材表露無遺,好在最後Agent. L嘅出現,成功將Zoe抱走!