高鈞賢製水晶悼念愛犬：相信佢去咗天堂！

藝人高鈞賢近年多於內地工作，之前與邵氏簽約成為旗下藝人，他到內地為劇集《黑金風暴》拍攝，之後繼續於內地接Job搵真銀。不過，適逢日前陪伴他10多年的愛犬Mon Mon因病離世，他因趕不及返港送別，遺憾之餘亦感心痛，家人有為Mon Mon舉行了喪禮並且進行火化，但他仍希望盡快完成手頭上工作返港。

他接受東網訪問時謂：「Mon Mon都14歲半，之前佢肚屙得好緊要，醫生話佢年紀太大，跟住就走咗，不過佢由細到大都好幸福，好多時都有家人陪住佢，就算我唔喺香港，屋企人都好錫佢，所以我相信佢都好幸福咁去咗天堂。」

骨灰製成水晶

他自從參選港男，由2006年開始便養Mon Mon，他說：「我入TVB之後，同家姐一齊買樓，佢就見證我成長同事業生涯，以前我都帶過佢上好多節目，亦都係因為佢，所以我先決定簽邵氏，希望多啲時間喺香港陪佢，點知佢都等唔到我返嚟就走咗！」他表示會將Mon Mon的骨灰製成水晶，就算去到邊都可以陪着他身邊。