增肥10磅做「母親」　周家怡又要減磅同陳家樂談情

藝人周家怡出席健康產品活動，圓潤不少的她透露早前拍攝電影《金手指》，角色乃兩位小朋友的母親，故特意增肥10磅：「本身鍾意食嘢，所以只要唔Keep就會肥，3餐食飯囉！依家努力減番呢啲磅數先，因為下個月同陳家樂拍戲，會有感情線（減磅難唔難？）最大敵人係我媽咪，不停煮嘢我食，永遠覺得個女唔夠飽，成日問我想食乜（點減？）做運動，有跑步，但冇跑一排再跑番，肌肉未適應番，搞到傷咗膝頭哥韌帶（跟周潤發跑步？）追唔切啦，要再努力啲先，雖然佢哋呢排練緊慢跑，但慢得嚟都好叻！」