C AllStar 7月開騷　自爆主題好老土？

組合C AllStar將於7月24及25日舉行演唱會。成員on仔笑指自從消息公布後，身邊多了朋友主動聯絡，表示有意到時前往欣賞捧場，談到操肌又笑說：「依家少食肉呀，到時騷唔騷肌就再算啦。」釗峰打趣：「我哋啲同事又要開始『分飛宴』嘞，好大嘅工程。」目前入座率維持75%，倘若反應好的話，就希望加場。

談到演唱會rundown，on仔表示已開會度了8成。而今次演唱會主題圍繞「集合」：「呢幾年大家都經歷咗好多，無論單飛或者一齊，老土啲講句，就係團結就是力量囉。」擔任《Chill Club》嘉賓的他們未有聽聞該節目舉行演唱會，但當記者告知只有4位歌手，他們即笑道：「即係我哋4個？不過節目啲音樂真係好好，製作又好認真，值得支持。」