朱健鈞驚喜演出《逆天奇案》　相隔17年再拍無綫劇

劇集《逆天奇案》日前播出嘅一集，見到熟悉嘅面孔，佢就係朱健鈞喇！朱健鈞喺劇中飾演富二代，因為一啲意外，被人發現佢係愛滋病毒帶菌者，最後佢開記者會承認，同時成立基金會去幫助愛滋病患者。網友見到朱健鈞，都大呼好懷念，仲讚佢冇咩點老，好似食咗防腐劑咁呀！

朱健鈞現年47歲，佢1993年憑《少年五虎》走紅，一直都係拍劇為主，去到2004年拍完《青出於藍》，佢就北上發展。佢事隔17年再拍無綫劇，真係十分難得。朱健鈞為人十分低調，完全冇開設任何社交平台，想搵吓多啲佢嘅相都難呀！