當街咀都未驚過　楊冪「戀」許凱以手遮樣勁怕醜

內地女星楊冪最近同細9年嘅小鮮肉許凱發展「姐弟戀」，仲頻頻被偶遇，其實佢哋係為新劇《愛的二八定律》開工，早前佢哋就喺眾目睽睽之下拍接吻鏡頭，連環咀完許凱仲係咁抹嘴。

今次終於嚟到煞科，二人再次被當街圍觀拍劇，不過見慣大場面嘅楊冪竟然忽然怕醜，喺大批路人嘅追隨之下，佢一開始用手遮樣，之後更直接用劇本遮，而佢身邊嘅許凱就大整蠱，伸手將楊冪手上嘅劇本拎走去遮自己個靚仔樣，搞到楊冪又要用手遮，之後二人急步離開拍攝現場，狀甚狼狽。