陳自瑤一秒「變臉」　黑面似足經典表情

藝人陳自瑤近日亮相節目《好聲好戲》，超強配音演出獲網民大讚，呢日佢喺網上拍片，大玩演技大挑戰，片中佢一秒「變臉」，本身笑笑口，點知下一秒，佢慢慢收起笑容，即刻變出失望表情，而且面黑黑，之後再頭耷耷，與一開始心情極好嘅狀態截然不同，全程零對白只用眼神、表情交足戲，網友即大讚演技出色，不過就指其黑面表情，令人聯想起佢當日台慶頒獎禮時，獲老公王浩信於台上公開多謝，佢卻在台下「黑面」嘅經典一幕，笑指：「本色演出，對老公也是這樣吧？」、「咪頒獎禮個眼神」。