ViuTV《造美人》大起底！無綫「集郵王」黐吳偉豪合照

ViuTV再推另類選美比賽《造美人》，一班參賽者原來大有來頭，更雲集各台「代表」，當中嚴楚翹（Ice）無綫出身，拍過《愛．回家之開心速遞》、《伙記辦大事》等多部劇集，更係「集郵王」，同李佳芯、羅子溢、萬綺雯、周嘉洛，以及近期話題人物吳偉豪都曾經合照。至於羅卿娗（前名：羅燕霏）則係2019年落選亞洲小姐，近年拍過ViuTV劇集《黑市》，又與藝人楊埕合演舞台劇，演出多多。

另外，參賽者亦有多位網絡紅人，而且個個都身材出眾非常性感，當中直播網紅楊芷羚（Stella）經常以比堅尼示人騷「巨峰」，至於經營網上影片頻道嘅周卓盈（Tracy）就行運動風，Bra Top上陣低胸做gym，又孖肌肉男到沙灘曬太陽，玩健康性感。而數到狂野，就有網絡歌手黎韋彤（Semi），Deep V晒胸前紋身，夠晒野性，不過最豪放嘅就係劉芷橋，拍過大量網絡寫真，玩「遮點」晒胸，又胸托飲品杯，非常大尺度。