火辣小背心洗車！JW自稱瘦足一個碼惹質疑

歌手JW（王灝兒）早前自爆因拍劇瘦咗21磅，重回中學時期巔峰狀態，呢日佢再着上昔日身形圓潤時所穿嘅迷你短裙，見佢的確瘦足一個碼，有近半個身形的空位，需綁上皮帶先可以勉強唔甩褲，佢又晒出以火辣小背心，配短裙上陣洗車嘅片段，盡騷苗條身段。

雖然JW以往曾經微胖，但網友均不相信原來她曾如此「重量級」，好友蔣家旻更質疑：「你以前有冇咁肥呀？唔信！」JW即表示：「我成日着啲好大件嘅T恤遮住。」又笑指：「我上年年頭嘅體重真係自己都嚇親。」而好友蕭唯展向佢請教瘦身方法，佢就邀請對方：「同我一齊拍劇。」