謝嘉怡極速返港　隔離似度假喪影「床照」

港姐冠軍謝嘉怡早前飛返蘇格蘭與媽媽驚喜慶祝母親節，一家三口共敍天倫，近日佢已經回港，現正於酒店接受隔離，佢喺社交網大晒靚相，見酒店為佢精心布置房間，除咗有「Welcome（歡迎）」字樣嘅氣球，更專誠準備印有佢與狗狗合照嘅攬枕，非常有心思，而謝嘉怡則以浴袍Look上陣喪影「床照」，見佢大字型趴喺床上，又坐喺窗邊歎咖啡，相當寫意，實行寓隔離於度假。同屆港姐亞軍好友陳楨怡即留言歡迎佢回來，而謝嘉怡亦表示好快就可以重聚。