11年前衝上雲霄！麥大力首航照曝光

無綫神劇《衝上雲霄》令大家對飛機師形象加深，但好多人都話，現實中嘅機師係咪真係有「Sam哥」咁型、「Cool魔」咁靚仔先？自麥大力參加《衝上雲霄大選》後，原來世上真係有機師可以好似佢咁正，依家佢仲入埋娛樂圈，成為唔少女士嘅夢中男神。

麥大力尋晚（24日）就喺社交網講番11年前首航嘅回憶，佢用英文留言：「11年前的今天，2010年5月24日，我的職業生涯從右邊座位的航空公司飛行員開始......從神話般的馬來西亞吉隆坡市返回。」雖然已經係11年前，但麥大力同依家個樣冇乜點變，唔少網民大讚佢型仔之餘，仲問佢係咪仲好掛住做機師。