G.E.M.晒最短「蜘蛛腳」　嬲爆自認有157cm

歌手鄧紫棋（G.E.M.）雖然人仔細細，但佢擁有無限嘅力量，唱功備受讚賞！日前佢喺社交網上載短片，見佢簡簡單單就做出蜘蛛腳，佢留言：「瀟瀟灑灑，這動作對腿短的同學沒難度。」佢講就簡單，但其實呢個動作一啲都唔易做，啲筋硬啲都做唔到呀！

有網友Mean到爆，留言：「這應該是我見過，腿最短的蜘蛛，你有一米六嗎？」G.E.M.笑爆反擊：「我沒有，一米五七，美少女的事，你少管！」非常搞笑！