李璧琦揸車避狗緊急煞掣　感激白倩蘭陪到天黑

歌手李璧琦（Becky）忙於為新歌宣傳，最近她偕白倩蘭一齊受訪，兩人憶起3年前一件趣事，Becky細訴當時接受對方主持的節目訪問，訪問後她順路載送白倩蘭往九龍，在途中突然有一頭狗衝出馬路，為了避開狗狗她即轉軚，但仍然疑似撞到異物，即緊急煞掣：「我哋兩個因為衝力向前傾，架車因為煞停，車頭避震系統開啟，自動保安系統將車頭蓋打開，安全掣都升起，我哋驚到不得了，你眼望我眼！」

Becky立即落車，只怕狗狗會受傷，怎知找不到狗狗蹤影，當時懷疑隻狗都驚慌到跑上山去，他們更嘗試尋找狗主了解情況，由於當時身處地方偏僻，架車揸不到，她要找拖車，又不斷致電原廠車行查詢車輛保養，她說：「好感激白倩蘭一直冇離開，陪住我到天黑，等到有人嚟協助為止，嗰時我開始覺得佢係我生命中嘅貴人。」而白倩蘭認為當時的陪伴只不過是基本的朋友責任，但從這事件了解到Becky為人處事真誠也有愛心，是可以值得交心的朋友。