為老婆慶生複製20年前錫錫舊照！吳彥祖自嘲脫髮

男神吳彥祖（Daniel）雖然靚仔有型，但係一啲都唔花心，同名模Lisa S.相戀多年，仲於2010年結婚，正式封盤！今日佢喺社交網晒出兩張Sweet爆合照，分別係20年前同今日（27日），時差關係即係美國嘅26日，究竟係咩日子？之唔係Lisa S.嘅生日囉！

Daniel笑言當年佢哋喺泰國一間漢堡包店影，而今年佢哋嘗試複製影多次，點知佢自嘲自己已經冇以前咁多頭髮喇！雖然兩人都有歲月痕迹，但甜蜜不減，隔住個口罩錫，最後佢都不忘向愛妻示愛：「Love you so much babe!」真係甜到漏呀！