邵珮詩港姐變台妹　雙語廣播練口才

前港姐冠軍邵珮詩正在台灣為無綫拍節目，疫情下，她多次穿梭港、台，拍攝節目包括《台北101種玩法》及賀年節目等，前後接受過5次隔離，但覺得相當值得，她笑說：「上年來回台灣隔離咗4次，今年1次啫！可以飛已經覺得好幸運，希望疫情快啲結束，大家可以去旅行。」

雖然是廣東話節目，但工作人員全是台灣人，慶幸另外兩位主持為她「解鄉愁」，她說：「梁凱晴係半個香港人，宋婭彤就係澳門人，佢哋都識講廣東話，喺台灣搵到人講廣東話，實在難得同幸福！」對於節目《尋味行》靠線索四出搵食材，她覺得有另一番體驗：「節目講廣東話，但溝通就用普通話，好多時仲要即時翻譯，訓練到口才，依家覺得普通話好似講得好過廣東話，融入咗當哋人，有啲台灣腔，仲學緊台語。」在台灣四出拍攝，邵珮詩感覺變了台妹：「拍節目去咗好多地方，好似台灣南部、東部、台中、苗栗都係第一次去，好有新鮮感，好似自己去旅行咁。」