36E咪神波波着古裝照爆乳　獲封現代潘金蓮！

無綫小花「波波」黃凱儀憑36E導彈身材，立刻成為新一代無綫咪神，極速上位，早前獲邀行內衣騷大晒E Cup「峰」頭十足，之後接拍唔少劇集，工作多多！最近佢獻出第一次，處女下海拍古裝劇！佢喺社交網晒出古裝造型照，透露有份拍攝劇集《痞子殿下》，佢留言：「興奮又期待，未來日子多多指教！」

咪以為古裝，波波就完全冇睇頭，話明係咪神，仲要有名你叫「波波」，就算着古裝包到冚，都一樣「峰」味十足。相中嘅佢，明顯E Cup實力「雄厚」，真係擋都擋唔住，雙峰幾乎破衣而出，網友當然將重點，放喺佢身材度，話佢着古裝都有咁澎湃嘅感覺，搞笑留言話佢戲路可以更廣，點止做純情小花咁簡單，就算做「潘金蓮」呢類角色，淨係個氣場，已經夠晒壓陣！網民留言：「嘩！應該要拍番部《2022潘金蓮》！」、「世界之『大』，無奇不有！」、「着古裝都搞到咁，真‧咪神！」、「現代潘金蓮！」