天堂鳥冇不和！Lincoln爆合體代言收6位數

藝人海俊傑（海仔）日前跟同事們秘密為唱片公司老闆慶生，海仔受訪時稱：「我啱啱拍完劇，有個小休時間，好難得約到咁多位返公司聚一聚，老闆生日當然要約齊人慶祝啦。（幾時出新歌？）之前嘅時間都係劇接劇拍攝，呢一個月啱啱拍完咗一套劇，都錄咗首新歌，睇公司安排推出。」

而剛簽約邵氏就有劇拍既Lincoln（許俊豪）說：「好開心可以拍劇，真係要多謝老闆支持，幾趕都要返公司同老闆慶生。」他又否認組合天堂鳥不和傳聞，他說：「可能大家都誤會咗喇。其實我哋只係喺各自領域努力發展，公司對我哋好好，喺疫情下仲幫我哋搵到6位數代言，所以我哋都會完成埋今年BOP天堂鳥手頭嘅工作。亦希望係暫時分開，天下無不散之筵席，將來有機會，可以再一齊表演。」

而剛成為小師妹的Karen（龔柯允） 加盟公司大家庭，也感謝公司幫她包下電影院舉行發佈會及欣賞會外，亦推出了新歌《一轉眼》，令她感受到愛。