唐安麒讚姜濤夠真心：同當年林志玲一樣！

「美容女王」唐安麒出席「2021亞洲模特盛典香港賽區暨ACE演藝大獎」記者會，擔任首席評審的她，對於當年一手捧紅台灣女星林志玲，自言未有因此調高評審標準，她說：「冇話要特別高，唔一定要邊度豐滿，但係要皮膚靚。（想搵林志玲接班人？ ）又唔係，當時堅持打造林志玲，都係天時地利人和，所以我想搵多啲有好條件嘅人加入娛樂圈，其實當年揀林志玲嘅時候，佢都唔係好起眼，但夠平凡嘅又好Nice，性格隨和。」

她大讚最近人氣爆燈的姜濤，指對方做訪問很得體兼抗壓性高，有意找他當其公司代言人：「咁細個講嘢好有深度，睇得出佢好真心，同當年嘅林志玲一樣。」談到早前她於社交網宣布訂婚喜訊，她撒嬌指私人事不欲多談：「啲朋友擔心我單身點算，我想講依家有人湊我嘞！（咁結咗婚未？）唔講呢啲啦，總之依家開心嘅。」