《好聲》被狠批　黃祥興網上再聲演係為咗佢哋

藝人黃祥興於昨晚（28日）節目《好聲好戲》中聲演演出，可惜臨場有點緊張和中文不太靈光的關係，導致演出時有點失準。不過他亦接受賽果，但最不開心是令家中小朋友失望。他在社交網發文表示：「我嘅小朋友好期待我嘅演出，因為佢哋有陪我練習，但係我失敗咗。見到佢哋咁失望，我比之前更加傷心。我成日叫佢哋做到最好，唔可以咁容易放棄，而佢哋每次都會令我感到自豪。人生係會遇到挫折失敗，最緊要係要識得起番身，我很希望做到一個最好嘅榜樣畀我小朋友，所以今次係幾大嘅挫折。」

對於評判汪明荃和王祖藍的批評，他樂於接受，並表示：「多謝王祖藍製造一個咁有趣嘅節目，亦多謝幾位評判嘅坦白嘅批評（汪明荃）」。而「聲后」陳自瑤亦有留言安撫：「你排練嘅時候OK㗎！你係上到台太緊張，再接再厲。」而為了安撫小朋友，他在網上再聲演一次，希望大家能看到他用心和專業的一面。