又有吳偉豪「新」片流出！蘇韻姿做埋主角

喺無綫處境劇《愛．回家之開心速遞》因「朱凌凌」一角上位嘅吳偉豪，本月初捲入自慰片風波，劇中拍檔蘇韻姿最近Post咗一班演員合照，入面吳偉豪驚喜現身，唔少人都以為係佢最新嘅相，原來只係事件發生前影落。而蘇韻姿自己亦月本月14日，喺個人短片頻道Post咗一條佢同吳偉豪、姜麗文着古裝嘅跳舞片，只見片中3人跟住節奏揈手揈腳，非常合拍，唔少網民都認為係蘇韻姿對吳偉豪嘅支持，大讚《愛．回家》果然一條心！