海俊傑苦練西洋拳備戰無綫真人騷　爆關嘉敏仲慘

藝人海俊傑（海仔）與經理人公司老闆顏培意出席舞蹈學校開張活動，場面熱鬧。顏培意更即席捐出10萬，用作培育舞界後起之秀。海仔多年前以唱跳歌手身份闖樂壇，問到他如今會否技癢，他答：「都會㗎，希望培哥（顏培意）畀多啲資源我去試。」顏培意則大爆海仔忙到冇時停：「佢今朝先練完幾個鐘拳，仲跳舞？」原來海仔正苦練西洋拳，備戰無綫最新的真人騷拳擊節目。他謂：「15、6人參加，分開男女子組作賽，月中先會打一場，睇吓邊個入到圍見觀眾。」他又透露從小跟父親學過蔡李佛等拳術，今次會盡量發揮：「同公司師妹關嘉敏就入女子組，佢仲慘過我，參加埋另一個街舞節目添，真係冇得瞓喇。」

另外，顏培意透露公司今年大計，不會因疫情節省投資：「好似陳展鵬同李施嬅好快會繼續出新歌，天堂鳥Gordon又會單飛發展，關嘉敏會入組拍劇，旗下藝人個個都有好多工作機會。」