連續第6年　趙薇代捐30萬港紙賀小四月生日

大陸女星趙薇與商人黃有龍育有一女「小四月」，早前阿女靚相曝光，大家狂讚小四月美人胚子令人羨慕，原來唔驚唔覺佢已經11歲大，剛剛過生日嘅佢，就被發現人美心善，已經連續第6年捐款慈善團體，今年佢就捐畀血液病公益基金，基金嘅官方社交網就公開指四月時收到對方愛心善款，趙薇女兒向該基金捐贈善款25萬元人民幣（約30萬元港幣），為更多需要幫助嘅人帶嚟溫暖與希望，前前後後更已經捐咗成160萬元人民幣（約195萬元港幣）。網友見到都知係媽咪趙薇代捐，紛紛留言稱大讚佢哋成家人都係天使！