連詩雅33度開工熱到溶！無聊到篤怕羞草解悶熱

藝人連詩雅近日雖然同陳家樂傳出情變，不過傳聞冇影響佢開工心情，反而呢兩日天氣熱到爆，搞到佢開工身水身汗。佢喺社交網晒去郊外拍外景嘅相，只見佢攞住把大風扇，喺相中標明當時氣溫高達33度，佢留言：「一整天的外景，我開始感到真正的夏天要來了！」喺咁熱咁悶嘅天氣下，佢更喺休息時間無聊到篤怕羞草自娛。

佢之後再出Post，話自己好怕熱，惟有一個方法，令自己舒服啲：「近很多時候都在這個炎熱嘅天氣底下，開外景，諗起以前啲大人一句說話『心靜自然涼』，其實都係，心靜，所有嘅感覺，觸覺都感到平和點，所有野都平靜一點！」心靜雖然係好好嘅提示，但網民都話雙腿咁靚，睇完更加透心涼。