安鈞璨去世6周年 「家姐」安以軒發文：至今想念

台灣藝人安以軒與前可米小子成員安鈞璨情如姊弟，2015年6月1日安鈞璨因病逝世，安以軒在對方告別式上哭崩成淚人，重情重義嘅佢，喺今日（1日）凌晨上載二人合照，發文悼念至愛嘅「細佬」：「2015年的6月一日 凌晨 ～ 你出發去了天堂國旅行⋯至今⋯想念。」大批網友即湧入其社交網留言安撫，指安鈞璨見到佢如今過得咁幸福，又令佢多咗兩個咁可愛嘅「小外甥」，安鈞璨一定會用佢嘅方式去守護安以軒一家人。