黃建東首做舞台劇男一　激減20磅最難係唔笑得

由張之珏執導的舞台劇《老公你好悶呀！》，邀請了藝人黃建東（東東）擔正男主角，這是他首部做男一的舞台劇。舞台劇出身的他，曾做過3年香港話劇團演員，之後入無綫至今10年，自言現在是最好時機。他說知道張導演有幾個男主角心目中人選，最後選中他，令他大表驚喜，笑言導演要求他做的第一件事，就是要減肥，他說：「特別影海報時，佢話要我畀條腰佢，為今次演出我減咗20磅，有番少少腰，演出嗰日我會再瘦多30磅，唔想畀人覺得呢個係肥仔，而且舞台劇需要好多體力，要做兩個幾鐘，要努力Keep Fit。」

他多謝導演賞識，也開心可以與前輩區嘉雯、魏駿傑和阮德鏘合作，對主演此部百老匯名劇，未演已有壓力，他說最特別是飾演的角色「Paul」，是一位好悶的老公，故全劇相信只有他不會笑：「影海報時，我收到指令唔可以笑，我本身好易笑，會忍唔住，呢個係最大挑戰。而整套劇相信都唔可以點笑，但唔可以令觀眾覺得悶瞌着，真係一個大挑戰。」