張敬軒唱《明星》致敬張國榮梅艷芳

歌手張敬軒接受電台節目訪問，在其AVON錄音室獻唱多首他喜愛的時代曲，於節目尾聲時他獻唱70年代電視劇《明星》主題曲，原來當年張國榮、梅艷芳、羅文、葉德嫻等天王巨星，都曾在此錄音室錄音，故他想用此曲向他們致敬。

創作4小強

他表示2010年代是他最茂盛時候：「當時我已經加入咗香港樂壇一段時間，感覺自己融入咗呢度。嗰時香港樂壇主要以樂隊同唱作歌手為主，音樂性好強，我哋『創作4小強』包括我、方大同、王菀之同張繼聰，都創作咗唔同嘅音樂作品。」

他首次公開獻唱的王菀之作品《突然一生人》，又唱出葉德嫻的《不捨也為愛》，自爆綵排此曲時忍不住哽咽：「好多廣東歌歌詞都會記錄當下嘅生活形態同社會面貌，而呢一年我有好多朋友因為種種原因離開香港，我自己都係背井離鄉嘅人，呢種離愁別緒嘅心情令我好感慨，同一個地方，同一份歌詞，今日再唱另有一番味道。」