藝人李莉（Lily）和菁瑋日前在頒獎典禮上擔任表演嘉賓，現場演繹小說家亦舒的著作《流金歲月》中一小段落，Lily接受訪問時表示：「我扮鍾楚紅飾演過嘅朱鎖鎖，菁瑋就係張曼玉演過嘅蔣南孫，收到個劇本時第一個反應係要演繹經典！同埋鍾楚紅真係太正啦，女神中嘅女神，嗰種神韻真係冇人能及。」

她不諱言因年代不同，之前未看過《流》的電影版，但得知要重演朱鎖鎖一角時，所以趕忙「補飛」：「想了解多啲有關呢個角色嘅人物性格，仲有故事背景，要即時搵番套戲嚟睇，睇完後就覺得好好睇，兼且一啲都唔過時，果然係劃時代嘅經典。（覺得有咩係最困難？）要重新演繹經典作，最難嘅地方係喺大家心目中已經有個固定印象，所以想畀到觀眾睇到另一種演繹，一種新感覺。」她又指首次面對現場觀眾演戲，加上不少觀眾更是藝術界的名人及長輩，壓力簡直加倍大，怕自己表現強差人意會令人失望，幸得有演戲經驗的菁瑋任拍檔，可跟她對戲之餘又獲她傳授心得，才讓她當晚有超水準表演。