張惠雅腳面生滿瘡　醫生質問有冇不良嗜好

前女子組合HotCha成員張惠雅（Regen）近期受到皮膚問題困擾，令她大受打擊。她在社交網上載臉部皮膚長滿瘡的相片，表示兩個星期內皮膚變差，下巴位置長滿瘡。她又上載腿部長滿一點點啡斑的相片，狀甚嚴重，她說：「成年唔敢見人。原本上年新年去越南畀嘢咬，半年後好得七七八八，但係突然冇濕疹嘅我開始雙腿好痕，好似風瘌咁樣。好痕好痕，有時瞓咗自己?咗唔知，最後變成咁樣。」

她表示曾向醫學美容中心求醫，但竟然嚇親醫生，反問是否有不良嗜好，她說：「其實你依家見到已經淡咗一半顏色，醫生話黑色素深度好似岩石咁。原本要繼續去打斑，醫生好好幫我好咗好多，但係自己好忙好攰，不如同自己講接受咁樣嘅自己接受現實。」好友鍾舒漫都留言慰問：「免疫力啊...加油搞好身體，最緊要。」