胡鴻鈞獻「歌王之吻」 竟然係陳嘉慧夢寐以求?

20210603
東網電視
更多新聞短片
藝人胡鴻鈞(Hubert)、陳嘉慧(Erica)於無綫新劇《愛上我的衰神》中有感情線,二人日前到校園拍攝,當日是Erica 25歲生日,劇組準備了生日蛋糕替她慶生,由Hubert做代表送上蛋糕,Erica接受娛樂新聞台訪問時坦言生日於工作中度過感覺「好正」。而Hubert雖然平時鍾意整蠱人,但說到對方的工作表現,他就有讚冇彈,他謂:「佢係好勤力嘅女仔,唔似係一個資力好淺嘅演員,佢做咗好多功課,希望到時出街大家都見到我哋嘅火花。」
二人當日於校園除了有些情侶互動場口外,更拍攝一場親吻戲,Erica更是獻出螢幕初吻,幸而他們相當專業,故拍攝時相當順利,Hubert說:「因為佢係一個好識搞氣氛嘅人,所以為咗培養情緒,我拍攝前都要同佢保持距離。」
而Erica於日本讀書時讀女校,所以於學校與異性有這些「互動」覺得「好難得」:「有啲談情說愛嘅嘢都係我夢寐以求嘅,依家終於實現咗喇!」相反Hubert以前讀男校,故重返校園就回憶不少以前跟同學仔打波的畫面。