網友等睇！店長黃曉明隨時同寧靜開拖

內地藝人黃曉明忙到無時停，早前拍完新劇，又要做公益出席車站揭幕活動，而一向「長情」嘅佢，原來仲會為綜藝節目《中餐廳5》「續約」，連續5季都有份參加，加上節目收視長做長有，係掂嘅！

據大陸媒體指，今次《中餐廳5》搵嚟黃曉明、龔俊、姚安娜等藝人確定坐鎮，而憑電影《少年的你》爆紅嘅周也、藏族男神丁真、寧靜都有傳會加入，影帝、小鮮肉同上位女星雲集，未開播唔少網友已經嗌期待。

咁都未算，第三季先正式揸旗擔任店長嘅黃曉明，因為佢「霸道總裁」氣場太勁，一言一行都令人怕咗佢。今次同樣係店長嘅佢，就會遇上出名難搞嘅寧靜，早前二人喺《乘風破浪的姐姐》中已經交過手，當時黃曉明因為係主持身份，以退為進唔敢得罪對方，網友都話唔知今次佢做店長會點做。