鍾雨璇跟媽媽姓為添柔情　孖Heartgrey Rap歌火花十足

歌手「O3」鍾雨璇（前名蘇慧恩）與Beatbox達人Heartgrey為新歌《Save a Life》在新蒲崗拍攝MV，在一個十分夢幻的場景取景，歌曲是以不棄養寵物為主題，故她帶同愛貓「白雪雪」一同出鏡。「O3」改中文藝名後首次見人，她透露改名諗住由零開始，希望重新出發，是次連姓都改埋，希望轉運，她說已問准了爸爸跟媽媽姓，她笑說：「鍾雨璇，好似『鍾意輸』、『鐘乳石』。因為我五行欠水，個名有雨有水，但我怕我會成日喊，本身姓蘇屬木，但我屬火，會好暴燥，成日會發脾氣，改完名希望會溫柔啲。」不過她笑說音樂人男友卻不覺得她比以前溫柔。

Heartgrey謂今次Rap歌，十分好玩，「O3」讚他花2日已能創作好歌曲兼錄製Demo，非常神奇，Heartgrey說：「我中文唔叻，不過都花心機去做，《造星II》嘅人真係好正㗎！嚟緊我都會出Solo。」