同蔡思貝一齊行？胡鴻鈞熱天行山包到上頸

歌手胡鴻鈞最近忙於拍新劇《愛上我的衰神》，仲喺劇中同陳嘉慧有感情線，雖然工作繁忙，但係佢都抽到時間去行山紓緩一下壓力，佢喺社交網晒咗自拍，留言：「很熱，但風景很美。」雖然佢話好熱，但係睇見佢仲着住風褸囉，仲將拉鏈拉到上頸，網民都嗌佢快啲除褸，提醒佢要飲多啲水小心中暑呀，仲有網友好奇問佢同邊個去行山，唔知緋聞女友蔡思貝有冇同行呢？