名牌包包係亮點！「餅碎」陳素瑩同區文詩投契原因係呢樣

女子組合Cookies「餅碎」陳素瑩（Gloria）早前在港結婚兼擺酒，當然要請番當年一班組合好姊妹成員出席啦，點知明明開心喜慶事，就傳出不和多年嘅楊愛瑾（Miki）同吳雨霏（Kary）同場但分枱坐，真係搞到一頭煙！最後要新娘子親自出手，撰文澄淸Miki同Kary當晚係有同枱。

為咗個婚禮，忙咗咁耐兼仲搞出個大頭佛，Gloria依家終於可以休息吓，仲約咗另一位餅碎區文詩出嚟食好嘢。榮升人妻嘅Gloria就拎埋個名牌包包出動，真係好貴氣，仲特登去到山頂嘅一間高級扒房大快朶頤，果然識飲識食識享受，難怪佢同富貴咗好多年嘅區文詩特別投契啦。