伍樂怡睇古裝劇偷師　化身仙氣小龍女！

藝人伍樂怡拍攝新劇《青春不要臉》，是她2021年首部劇集，雖然該劇以80年代為背景，不過她在劇中卻有不少古裝扮相：「好開心，因為我本身好鍾意古裝片，入面其中一個造型係小龍女。我唔知自己適唔適合古裝扮相，但我自小就好有憧憬，細個仲會插啲髮釵喺頭髮。（最鍾意邊套古裝片？）細個乜都睇，例如好經典嘅《金枝慾孽》，就算早前嘅《燕雲台》我都有睇。我覺得古裝片好有味道，可能我好鍾意中國歷史。」

她稱對拍攝十分緊張，因為角色很靠自己去捉摸，為此做了不少準備工夫：「我比較多古裝戲份，我要參考好多唔同古裝片、語氣同肢體語言，同時要參考埋80年代，因為係80年代劇，要將兩者結合。」