忘記對白！麥大力畀小朋友教番轉頭：我Open去學

「衝上雲霄大選」冠軍麥大力（Derek）自今年初成為無綫藝人後，先被安排主持明珠台節目，由於主力講英文，對他來說冇難度，但後來與馮盈盈、麥美恩、簡淑兒、朱敏瀚等任主持的節目《SUPER FIVE》及兒童節目《Think Big天地》卻頻頻遇上挫折。

雖然開工前已把劇本背熟，但當看見攝影器材的燈對他亮着，便不其然緊張得連對白也說不出來，他接受東網訪問時表示：「兒童節目同兩個小朋友拍，開始覺得冇壓力，第一個畫面小朋友介紹我出場，我只係行出嚟就Hang咗機，最好笑係小朋友講咗我句對白，佢只係8歲。（向佢哋學習？）有，佢仲叫我唔好咁緊張！（尷尬？）覺得好笑，我Open去學。《SUPER FIVE》我用咗一星期去背對白，點知佢哋全部都唔跟，我望住劇本好無奈，唔知幾時插入，到後來開始適應就拍完。」近日他首度參與劇集《雙生陌生人》，飾演富二代的他笑指對白不是太多，相信應付得來。