拍吸煙戲差啲暈！劉佩玥演反派擔心「啤啤」形象受損

藝人劉佩玥在無綫劇集《逆天奇案》中有破格演出，扮演大反派的她除了有不少性感戲外，最令她掙扎是戲中要吸煙，擔心甚愛小朋友喜歡的「啤啤」形象會受到影響，她說：「自己唔食煙，戲裏面有場吸煙戲，之前同監製劉家豪、導演都傾咗好耐，擔心呢場戲會唔會影響形象，後來大家都覺得呢場戲係配合劇情、角色嘅。」

她指吸煙戲在泰國拍攝，拍攝時也手忙腳亂，被工作人員取笑，她笑說：「拍攝嗰陣直情係大家一齊教我點吸煙，好記得1分鐘點咗8支煙，個鏡頭主要係想要點煙嘅感覺，好彩呢幕有出街，因為拍呢場吸煙戲真係好辛苦，吸完真係有想暈嘅感覺，所以小朋友、年輕人都千祈唔好嘗試吸煙。」