《開心大綜藝》頻頻變錄播 曾志偉親自解畫!

20210606
東網電視
更多新聞短片
曾志偉話係因為搭景問題!
無綫綜藝節目《開心大綜藝》推出時標榜是直播節目,但近期不時出現錄影情況,整個6月僅得父親節當晚會做直播。無綫高層曾志偉今晚(6日)現身錄影時解釋:「因為出現搭景問題。《聲夢傳奇》個台難搭,以往遷就可以一星期錄兩集,但篩選咗後學員減少,佢哋需要好多時間去練習新歌,所以真係冇辦法,我哋都好想直播,緊貼時事。」
志偉又表示配合奧運的「明星運動會」預計有4集推出,更安排於周日播放,故預告《開》短期內仍未能恢復直播:「節目包括拳擊、羽毛球、田徑等等,相信真係會好好睇,我哋要配合幫奧運做多啲宣傳嘛。(大隊出咗發到東京?)有啲去咗喇,分批去,預計會派出2、30人。嗰邊隔離政策日日唔同,依家係3日喺酒店、14日點對點採訪,其餘啲時間邊度都唔去得。」
講到《鬼上你架車》將被安排J2播放,有傳是為了對撼ViuTV的《調教你MIRROR》,志偉否認說:「我哋有好節目,通常喺MyTV SUPER播完,都有機會喺免費台播,都唔係第一次,同埋冇對撼問題,我哋嗰段時間一定要播賽馬,反而對家可放軟手腳。」