賀Uncle Ray榮休　林子祥：等100歲退休仲勁！

有「樂壇教父」之稱Uncle Ray即將榮休，無綫節目《開心大綜藝》今晚（6日）為他錄影特輯作紀念，圈中好友包括林子祥、溫拿樂隊、肥媽及夏韶聲等紛紛現身支持，場面溫馨。

林子祥（阿Lam）受訪時透露與Uncle Ray相識多年，故特意來賀他：「如果等多4年仲好，到佢100歲先榮休仲勁，不過佢都提過到時會搞個大party。」阿Lam坦言自己於疫情下大部分工作被迫煞停：「好多工作都係要出埠做，所以暫時都停頓咗或者押後，呢段時間惟有注重吓身體，做多啲運動、食少啲。」

久違了的阿Lam身形沒多大變化，記者打趣同場的譚詠麟（阿倫）變了「大碼」，阿Lam表示已差不多兩年沒有見過對方，指阿倫「不嬲都係咁」。問到疫情下工作方面損失了多少？他表示沒有計過。