周嘉莉回饋社會　派3萬個口罩

藝人周嘉莉早前在疫市下投資6位數字開咖啡店，近日更與拍檔葉芷如齊齊在店舖舉辦派口罩活動，希望能夠幫助有需要人士。她說：「同口罩供應商合作，佢哋合共捐出5萬個口罩，其中有部分嘅口罩我哋已經捐咗畀慈善機構同寺廟，另外仲有3萬個口罩會擺喺咖啡店，畀有需要嘅人嚟拎，就算冇幫襯都可以免費拎口罩。」

雖然現時口罩供應較疫情爆發初期充足，不過嘉莉知道仍有不少基層市民需求量大：「對佢哋嚟講要長期買口罩都係一個負擔，所以我同芷如希望可以盡能力回饋社會。」