拍完劇鬆一鬆！何依婷短裙仔遊主題樂園少女味濃

前港姐何依婷於新劇《十月初五的月光》首度做女主角，壓力相當大，因為夏天拍冬天戲，冷衫都要打孖上咁着，曾經一度熱到中暑，辛苦咗咁耐，套劇終於喺早前煞科，何依婷就趁住空檔去主題樂園鬆一鬆，佢昨日（6日）將遊玩嘅照片上載到社交網，戴住卡通耳仔頭箍嘅佢，表情非常可愛，少女味十足。佢更穿上一條短牛仔裙，大騷白滑美腿，佢留言叫粉絲：「Sunday，Enjoy the little things in life」好好享受星期日。