老竇親證係「媳婦」　柯震東撻着大波女網紅？

台灣男星柯震東最近頻頻玩直播而人氣急升，早前佢就談及舊愛蕭亞軒及李毓芬惹熱議，豈料近日佢竟被爆有「新戀情」，爆料者更係佢爸爸！日前柯爸爸收看女網紅蒂蒂直播時，見對方衣着太性感，忍不住留言叫佢着多件衫，更突然用「媳婦」稱呼對方：「媳婦呀！衣服多加一件吧！」嚇得柯震東即笑指爸爸亂講嘢：「這位型男真是不嫌事多！」又對該女網紅表示：「你對我爸做了甚麼？」並指：「要開澄清直播大會嗎？」其實蒂蒂係柯震東嘅粉絲，2人之前連線直播而成為好友。