對號入座 入手啱Feel太陽眼鏡

20210607
東網電視
更多新聞短片
最緊要揀適合自己風格的太陽眼鏡,咁就可以戴得出色。(互聯網)
踏入6月,真正迎來炎炎夏日的高溫考驗,衣着要盡量輕薄幫助身體降溫之外,一副可以抵擋猛烈陽光的太陽眼鏡亦絕不可少,否則太陽掛正頭上真係驚你行出街眼都打唔開!春夏季向來都係太陽眼鏡「旺季」,基本上不論係傳統眼鏡品牌,抑或高級時裝品牌都必定有大量新款太陽眼鏡推出,款式顏色千變萬化,最緊要揀到副啱你自己風格,咁就肯定可以戴得出色。
DITA作為潮流界長期人氣高企品牌,在設計總監Michael Castillo帶領下,除了打造出眾多備受追捧的視光眼鏡外,推出的太陽眼鏡亦同樣深受時裝迷愛戴。今季太陽眼鏡系列就大玩金屬細節,當中ALKAMX就利用不同色調鈦金屬帶出Two Tone效果,MODDICT則加入全新矛頭造型鏡腳細節;而MICRO-ROUND及SUBSYSTEM亦同樣於鏡圈位置着墨,分別加入幼坑紋外鏡圈連鏡橋及5mm立體壓紋鏡圈,讓整副鏡架外觀更富層次感,秉承DITA一貫細膩造工的品牌風格。
一直主打運動風格太陽眼鏡的OAKLEY,今年就特別打造出一款適合跑步、單車、高爾夫球及棒球等運動類別的全新太陽眼鏡OAKLEY ENCODER,設計顧及到佩戴者可能會與帽子及頭盔一同使用,因此採用獨特的漸進式包裹設計,可以提供最佳的覆蓋範圍及廣闊視野。加上配搭Prizm™鏡片,可以加強色彩對比,讓運動員於場上看到更多重要細節,同時鏡架更配備品牌專利的Unobtainium®及O-Matter™物料,即使進行運動期間亦不易下滑。獨特的鏡邊切口(亞洲版獨有設計)專為亞洲人面形而設,大大增加佩戴時的舒適性。
由Francesco Ragazzi主理的潮流品牌Palm Angels,服飾都是以大膽設計去衝擊眼球,今個春夏系列品牌就發布了首個太陽眼鏡系列,設計亦貫徹此品牌個性。兩款同樣以醋酸纖維板材打造的鏡款分別名為PALM及ANGEL,均配上厚實的粗鏡臂。不過前者在鏡框與鏡臂連接位置刻意造成不同的粗度,其差異成為鏡款的一大注目細節;而後者的鏡臂外側就有放大版的哥德字體「Palm」,明目張膽方式展現其搖滾態度。
意大利時裝品牌Salvatore Ferragamo今季推出的太陽眼鏡設計就散發現代風格,其中SF276S鏡框上半以採用粗身的醋酸纖維板材打造,下半則配上金屬窄邊,形成上闊下窄的強烈對比,為傳統「眉鏡」帶來嶄新演繹。另一款SF1011S看似用上平常不過的圓潤線條設計,但其實重點落在鏡框兩邊頂角位置的外露結構,醋酸纖維板材與金屬邊巧妙結合,完全凸顯品牌熟練的精湛工藝。
今季MCM首次推出兩款全新運動風格的太陽眼鏡,704SL及705SL分別採用方形及幾何形的鏡框設計,配上挺直鏡臂洋溢濃厚運動氣息。鏡臂位置更飾有品牌標誌性Visetos經典圖案,簡潔直接地彰顯其品味個性,而鏡臂末端亦有加入鏤空細節,豐富了整款鏡框的線條美感。