徐頴堃首次任網劇編劇　余潔滢自薦為主題曲填詞

藝人徐頴堃早前撈過界做幕後，為網劇首次擔任編劇及副導演，坦言以攞經驗為主︰「本身認識團隊嘅成員，喺機緣巧合之下有呢次合作，以前做主持有撰稿嘅經驗，但今次真係要寫個劇本出嚟，仲要係處境喜劇，有一定嘅難度同挑戰性，多得有其他成員幫手，係成Team人嘅功勞。」自細於加拿大長大的她笑說完成劇本後中文大躍進︰「認識多啲香港嘅文化，好多嘢都學習緊。（有困難地方？）人手不足，導演出鏡之餘，又要幫手做幕後，大家都身兼多職，喺有限資源做到最好，如果有得添食，希望可以增加多啲人手。」

而余潔滢於劇中就飾演惡霸經理，跟私下甜美形象截然不同，同時她又自薦為網劇主題曲填詞，獻出處女作︰「覺得呢個團隊做嘢好上心、親力親為，如果連首歌都係自己創作都幾特別，希望之後有機會包辦作曲、填詞、演唱！」